نظام غذائي صحي | تعلم تقسيم سعراتك علي وجباتك بنفسك.

عزيزي القارئ بعد استيعاب الحلقة الماضية الخطوة الاولي للحياة صحيةاصبحت تدرك احتياجك اليومي من السعرات الحرارية للحفاظ علي وزنك و كمان تقدر تحسب احتياجك من السعرات الحرارية لخسارة الوزن.

طب ازاي اقدر اخسس او انشف الدهون؟

تقدر تعمل كده لما يبقي اجمالي السعرات في وجباتك اقل من احتياج جسمك الطبيعي.

مثلا

طب ازاي اققسم وجباتي اليومية؟

عندي ليك طريقتين:

الطريقةالاولي:

تقدر تقسم اليوم ٣ وجبات يكون مجموعهم ٨٠%من احتياجك و ال٢٠% الباقي سناكس بين الوجبات في صورة ٢ثمرة فاكهة +٢خيارة +جزرة.

وحاول تاكل السناكس عند الاحساس بالجوع (اوعي تجووووع) و ضروري الحاجات اللي حددناها سناكس او اي بدائل زي السلطة مثلا للحفاظ علي نسب الفيتامينات و المعادن في الجسم لان ده بيأثر علي كفاءة العمليات الحيوية للجسم و اللي منها حرق الدهون (بقول تاني اوعي تجوووع لازم تشبع عشان تخس)

بالنسبة بقي لل٣ وجبات لو مثلا محتاج ١٦٠٠ سعر حراري عشان تنزل الدهون وجباتك هتكون مجموعها ١٤٠٠ سعر حراري و ٢٠٠ سعر حراري فاكهة يعني كل وجبة تبقي اخرها٤٥٠ سعر حراري.

حاول تعود نفسك ان الوجبة طبق واحد هيكون ده شكله و تقسيمته:

يعني نصف الطبق فيتامينات والياف في الخضار و النصف الثاني بروتين و كربوهيدرات.

بس لو انت رياضي و بتنشف الدهون بتقلل الكربوهيدرات شوية وتزود بروتين مكانه بس كله في حدود الطبق و صدقني عزيزي القاري.

لو تعودت علي طبق واحد في الوجبة مش هتحتاج تحسب سعراتها لانها غالبا بتكون قليلة نظرا لقلة الكمية.

الطريقة الثانية:

تشبه الاولي في شكل الاطباق ولكن ٥ مرات يوميا بكمية اقل بحيث يكون مجموع سعراتهم الحرارية نفس مجموع ال٣ و جبات في الطريقة الاولي

و الطريقة دي الافضل للرياضين بحيث تتيح لك تناول البروتين ٥ مرات وده احسن من حيث الهضم و تنظيم الهرمونات و خاصة هرمون النمو المسؤل عن سرعة بناء العضلات ، بناء علية ، كل وجبة من ال٥ وجبات يكون محتواها ٣٠٠ سعر حراري تقريبا.