 |
| السعرات الحرارية |
السعرات الحرارية | تعرف علي السعرات الحرارية و كيف تتعامل معها بسهولة.
اول خطوة في طريق التخسيس و ممارسة حياة صحية لازم تعرف ان جسمك محتاج يوميا عدد معين من السعرات الحرارية ، عشان يقدر يقوم بالوظائف الحيوية المعتادة و الاستمرار في الحياة.
هنفترض مثلا احتياجك اليومي من السعرات الحرارية ١٠٠٠ سعر حراري ، في حالة ادخال ١٢٠٠ سعر حراري يقوم الجسم بتخزين ٢٠٠ سعر حراي في صورة دهون ، و العكس اذا تناولت ٨٠٠ سعر حراري يقوم الجسم باستعمال ٢٠٠ سعر من الدهون المخزنه مسبقا ليكمل ١٠٠٠ سعر اللتي افترضنا انه يحتاجها يوميا.
يعني ايه سعرات حرارية؟
السعرات الحرارية هي كمية الطاقة اللتي يقوم جسمك باستخراجها من اي طعام تتناوله و بتختلف كمية الطاقة حسب نوعية الطعام و كميته.
الكيلو بيساوي كام سعر حراري؟
اثبتت عديد من الدراسات ان كل كيلو جرام يعادل حوالي ٧٧٠٠ سعر حراري.
يعني بكل بساطة لو جسمك بيحرق من السعرات الحرارية المخزنة حوالي ١٠٠٠ سعر حراري يوميا تقدر تخس تقريبا ١ كيلو في الاسبوع.
ازاي احسب احتياجي اليومي من السعرات الحرارية؟
هنا هعرفك علي خدمة مجانية بنقدمها من خلال الموقع و هي احد الحاسبات المهمة المتوفرة لدينا ، هتساعدك و هتسهل عليك كتير جدا و هي حاسبة الاحتياج اليومي من السعرات الحرارية.
هعلمك ازاي تستعملها كسلاح ناجح في حساب احتياجك اليومي من السعرات الحرارية والتحكم الكامل في وزنك و سعراتك الحرارية بسهولة.
و كمان هعلمك ازاي تعرف احتياج جسمك بالضبط من السعرات الحرارية لخسارة الوزن او زيادته ، عشان المعلومات دي لازم تعرفها لانها هتنفعنا بعد كده.
عشان نقدر نعمل لنفسنا نظام غذائي في الخطوة الثانيةازاي اعمل لنفسي نظام غذائي يتناسب مع طبيعة جسمك و هدفك ان شاء الله.
شكرا لحضرتك علي الشرح المبسط
ردحذف