ريجيم رضوي الشربيني حملة (يلا نخس في ٥ اسابيع)

طبعا لازم نكون متفقين ان طريقك للوزن المثالي او التخسيس بوجه عام طريق صعب جدا خاصة لو انت متعود علي نظام غير صحي و صعب جدا بعد الحرمان و الطريق ده انك متلاقيش نتيجة.
هنعرفكم ٥ نصائح هيساعدوك في تسهيل طريقك و من غيرهم هتصاب بالملل او بطئ في التقدم.
١-بدل السكر و الملح.
من اكبر العقبات في طريق التخسيس طعم الاكل لانك لازم تقلل او تلغي السكر و الملح ودول من اهم الحاجات اللي اتعودت عليها في الطعام.
السكر تقدر مثلا تبدله بالقرفة وده مش هيزود السعرات ابدا وكمان هيزود طعم سكري في الوجبة ممكن مثلا تضيفه للزبادي او الحليب او الشاي اي حاجة بتحتاجلها السكر.
وكذلك الملح لاحتوائه علي الصوديوم و تناوله بكثرة يسبب امراض ضغط الدم و يزيد من تخزين المياه في الجسم ويمكن تبديله بسهولة بالبهارات او الليمون .
٢-اشرب مياه كتير.
الماء له دور كبير جدا في التخسيس و في الحياه الصحية بوجه عام شرحنا سابقا دورها و الكمية المطلوبة يوميا راجع هذا المقال للتعرف علي كمية الماء المطلوب شربه يوميا للنجاح في الدايت.

٣-اوعي تحس بالجوع.
لازم تعرف ان مهم جدا متحسش بالجوع لازم يكون جسمك دايما في حالة هضم علي الاقل حتي الساعة ١٠ مساءا وذلك لان الجوع يتسبب في افراز هرمونات مسئولة عن تخزين الطعام نتيجة لاشارات عصبية من المعدة تشير الي حالة المجاعة ويريد الجسم الحفاظ علي البقاء لذلك يخزن الدهون تحسبا.
ينصح عند الاحساس بالجوع تناول الطعام منخفض السعرات مثل الخيار او الخس و ذلك لتفادي احساس الجوع.

٤-جرب اكل جديد.
في طريقك للتخسيس هتحس بالملل بسبب قلة الاصناف و تكرارها و ده اساسا بيضعف معدلات الحرق.
لازم تجرب الاكل الجديد الصحي كله مثل الشوفان و الافوكادو و كذلك يمكن متابعة وصفات صحية علي مواقع التواصل الاجتماعي و تجربتها لازالة احساس الملل.
في حالة الاقتصار علي الطعام التقليدي الغير صحي و الاعتماد علي تقليل كميته يؤدي ذلك الي احساس الملل و الحرمان.
٥-نام كويس.
شرحنا قبل كده كمية و جودة النوم و اهميته البالغة للتخسيس و للصحة العامة.
النوم ممكن يكون السبب الرئيسي انك مش عارف تخس لانه بيأثر علي عادات و مواعيد الطعام و بيأثر علي كفاءة العمليات الحيوية كلها و كمان قدرة الجهاز العصبي المركزي عشان كده لازم تهتم بالعادات الصحية في النوم لانجاح هدفك.
بالتوفيق ان شاء الله.